Nus diminuin Lur lavur

Scha El/Ella administrescha immobiglias, lura survain El/Ella da Lur impressari da rait electrica la dumonda da controllar las installaziuns electricas tenor las periodas da controlla prescrittas. Nus controllain Lur immobiglia tenor las normas actualas e scrivain ün rapport da controlla in cas da defets. Cur cha’ls defets constatats sun reparats scrivain nus per El/Ella la cumprouva da sgürezza correspundent. Scha nus nu constatain ingüns defets pro las controllas, lura scrivain nus la cumprouva da sgürezza davo la controlla.

Terminaziun

Sün giavüsch pdain nus cumbinar directamaing ils termins da controlla indichats culs fittadins e redüain tras quai Lur ingaschamaint.

Administraziun electronica da datas

Nus administrain tuot ils rapports da controlla, tuot las cumprouvas da sgürezza, tuot ils protocols da masüraziun e da controlla e tuot ils rapports in fuorma electronica. La documainta da controlla po El/Ella adüna eir dumandar pro nus.

Coordinaziun da la reparatura da defets

Scha nus vessan da constatar defets pro la controlla da l´installaziun electrica, pudain nus coordinar la reparatura da quists defets sün Lur giavüsch cun Lur electriker da chasa. La reparatura dals defets po eir esser al istess mumaint sco la controlla. Quista reparatura dals defets sto gnir fatta tras Lur electriker da chasa. Quist andamaint es ün avantag pro immobiglias plü grondas.

Administraziun

Las lavuors administrativas chi resultan pudian nus eir far per El/Ella. Nus scrivain tuot las cumprouvas da sgürezza, tuot ils protocols da masüraziun e da controlla e tuot ils rapports directamaing ad El/Ella ed a l´impraisa da rait respunsabla. Da nus retschaiva El/Ella tuot la documainta da maniera cumpletta tenor las prescripziuns legalas.

Sgürezza electrica Engiadina Scrl
Via da Ftan 495E
CH-7550 Scuol

Mobile +41 79 688 84 47
info@sguerezza-electrica.ch

Kurt Stecher
Dipl. Elektrotechniker HF
Eidg. Kontroll- & Installationsbewilligung

 

Diese Webseite verwendet Cookies um Ihnen den bestmöglichen Service zu gewährleisten. Durch die Nutzung unserer Internetseite stimmen Sie unserer Datenschutzerklärung und der Verwendung von Cookies zu. Mehr erfahren.