Determinar la cumprouva da sgürezza legala (Sicherheitsnachweises SiNa)

Daspö l’on 2002 es il possessur d’indirizs e d’apparats resp.il possessur da la chasa respunsabel per la funcziun da las installaziuns electricas. Quistas installaziuns as stoja laschar controllar periodicamaing a reguard lur sgürezza.

La controlla sto nempe gnir fatta d’ün cusgliader da sgürezzas independent. La firma, ingio cha quist cusgliader da sgürezzas lavura, nu das-cha avair installà, müdà o reparà l’installaziun electrica. Quel determinescha davo avair fini la controlla la cumprouva da sgürezza legala necessaria. Quista cumprouva da sgürezza conferma cha l’installaziun electrica accumplischa las pretaisas legalas.

Pro edifizis existents, abitaziuns o lura oters objects vegnan quistas controllas fattas tenor las periodas da controlla prescrittas. Quistas periodas da controlla dependan dals edifizis e dals objects. Pro nouvs fabricats o lura pro müdamaints da fabricats esa da far üna controlla finala tras la firma d’installaziuns chi ha drizzà aint l’installaziun. Pro objects, chi han üna perioda da controlla plü pitschna co 20 ons, as stoja adüna laschar far la controlla prescritta tras ün cusgliader da sgürezza independent.

Eir esa dad observer, cha pro ün müdamaint dal possessur esa da laschar controllar las installaziuns electricas, scha l’ultima controlla es statta avant daplü da 5 ons.

La conferma da sgürezza Til / Tilla garantischa, cha l’installaziun electrica correspuonda a las pretaisas legalas. Quista conferma sto gnir missa in salv dürant almain üna perioda da controlla.

Sgürezza electrica Engiadina Scrl
Via da Ftan 495E
CH-7550 Scuol

Mobile +41 79 688 84 47
info@sguerezza-electrica.ch

Kurt Stecher
Dipl. Elektrotechniker HF
Eidg. Kontroll- & Installationsbewilligung

 

Diese Webseite verwendet Cookies um Ihnen den bestmöglichen Service zu gewährleisten. Durch die Nutzung unserer Internetseite stimmen Sie unserer Datenschutzerklärung und der Verwendung von Cookies zu. Mehr erfahren.