Dumondas cha la cliantella drizza adüna invers nus
Darcheu üna controlla, po quai propi esser?
- Installaziuns in abitaziuns ston gnir controlladas mincha 20 ons
- L’obligaziun da controlla mincha 10 ons vala tanter oter per tuot ils edifizis da büro, per tuot ils locals ütilisats da mansteranza, per gestiuns agriculas e per baselgias.
- In ün ritem da 5 ons as stoja laschar controllar tuot las installaziuns electricas tanter oter in edifizis industrials, in ospidals e chasas da chüra, in chasas da scoula e scoulinas, in gronds affars, hotels, restorants, kinos e teaters, mo eir in tancagis e garaschas.
Quista enumeraziun nun es cumpletta, mo nus pudain gugent infuormar ad El / Ella a reguard la perioda valabla per la controlla da Lur object.
Cura as sto gnir manà la cumprouva da sgürezza?
Nouvas o installaziuns electricas müdadas ston gnir controlladas pro’l metter in funcziun tras ün’impraisa electrica cumpetenta. Schi nu vegnan constatats ingüns defets, lura scriva quista impraisa la cumprouva da sgürezza sün basa da quista controlla. Pro üna perioda da controllas da 10 o main 10 ons sto quista installaziun amo gnir controllada tras ün organ da controlla independent.
Nu pudessan Els güsta far subit las reparaturas, avant sco ch’eu n’ha da laschar gnir aposta ad inchün?
Fingià a basa dal text da la ledscha nan sto la controlla gnir fatta dad ün expert independent, chi nun ha drizza aint l’installaziun. Quai impedischa cler ils conflicts d’interess e pissera per la credibiltà necessaria e la sgürezza da la controlla.
Che as stoja resguardar pro ün müdamaint da man o ün trapass?
Las installaziuns electricas cun üna perioda da controlla da 10 o 20 ons ston gnir controlladas pro mincha müdamaint da man o trapass davo l’andamaint da 5 ons daspö l’ultima controlla.
Sto il possessur / la possessura metter in salv la documainta tecnica?
La documainta tecnica da l’installaziun, p. ex. schemas electrics, plans d’installaziun, manuals da funcziun eui sun da metter in salv dürant tuot la dürada da l’installaziun. Quista documainta vain fatta pro la construcziun da las installaziuns tras l’impraisa electrica o tras il planisader electric e vain surdatta al possessur / a la possessura pro ‘l metter in funcziun da l’installaziun electrica. La cumprouva da sgürezza sto gnir missa in salv infin pro la prosma controlla periodoca.
Sto il fittadin anunzchar ils defets?
Il fittadin / la fittadina o lura l’ütilisader / l’ütilisadra han dafatta l’oblig d’annunzchar immediatamaing ils defets constatats al possessur / a la possessura resp. al rapreschantant e pisserar per la reparatura dals defets.
Che sto far il possessur / la possessura cun surtour ün’installaziun electrica?
Scha ‘l possessur o la possessura surpiglia üna nouva o ün’installaziun müdada, lura sto el o ella trametter la cumprova da sgürezza scritta da l’impraisa electrica inclusiva il protocol da masüraziun e da controlla a l’impraisa da rait electrica. Schi nu’s tratta da chasas o appartamaints, dimena pro la mansteranza etc, lura sto implü gnir controllà l’installaziun tras ün organ da controlla independent.
Che capita, schi vess da dar defets?
In quist cas scriva l’organ da controlla independent il prüm ün rapport da defets e surdà quel al possessur / a la possessura da l’installaziun. In seguit ston gnir reparats ils defets d’üna firma electrica concessiunada. Lura scriva l’organ da controlla independent la cumprouva da sgürezza.
Infuormaziun: Il cusgiader da sgürezza independent nu das-cha far sevessa las reparaturas dals defets.